Purwakanthi Guru Swara,Guru Sastra Lan Basa (Lumaksita)

Purwakanthi guru swara yaiku purwakanthi kang awewaton paugeran rujuking swara.Purwakanthi guru swara iku sing padha aksara swarane (vokale).

Tuladhane :

• Ana dina ana sega > sing padha yaiku swara a
• Sate gule kare > Sing padha yaiku swara e
• Gemi nastiti ngati-ati > sing padha yaiku swara i
• Tuku buku telu > sing padha yaiku swara u
• Plonga plongo kaya kebo > sing padha yaiku swara o


Purwakanthi Guru Sastra yaiku purwakanthi kang awewaton rujuke sastra utawa aksarane.Purwakhanti guru sastra iku sing digawe padha aksara konsonane.

Tuladhane :

• Tati,titi,tatas,titis > sing padha aksara t, s.
• Sluman,slumun,slamet > sing padha aksara s,1
• Kalung kula kalih > sing padha aksara k
• Kepanjer tanpa lajer > sing padha aksara p,j,r
• Kelakone kanthi laku > sing padha aksara k,l


Purwakanthi basa utawa purwakanthi Lumaksita yaiku purwakanthi kang awewaton rujuke wanda utawa tembung ing pungkasaning gatra karo wanda utawa tembung gatra cedhake.Yaiku salah sijine wanda (suku kata) utawa tembung (kata) ing sajroning ukara dibaleni maneh ing ukara candhake/terusane.Dadi purwakanthi guru basa iku sing padha wandane (suku kata) utawa tembunge (kata).

Tuladhane :

• Timun,munte,tela > sing dibaleni wanda : mun,te
• Badhe sowan, wantun kondur > sing dibaleni wanda : wan
• Sinau basa,basa Jawa > sing dibaleni tembung : basa
• Kakang adhi,adhine luwih pinter,pintere durung ana sing ngungkuli > sing dibaleni tembung : adhi,pinter

Jalma nanungsa minangka titah,titahing Gusti tan ana kang ngerti,ngertia ora bakal bisa nolak,nolaka kae ora bakal bisa

Dapatkan Aplikasi Aksara Jawa Lengkap Disini